中學派位和小學派位方法完全唔同。
中學派位係將學生分三個等級，先派band 1學生，再派band 2, 最後先到band 3。
如果你係band 1學生, 最worse case也比另外2/3學生先派。
所以，如果你個網ge band 1學位佔多於1/3網內學位 (eg. 今年的灣仔區)，by pigeon hole principle, 只要你將所有band 1學校排曬係最前，你一定可以入到是但一間。(唔明咩係pigeon hole principle唔緊要，總之咁排就一定入到band 1。
當然，前提係band 1學位夠同埋你係band 1 學生。
至於小學派位，所有學生隨機分發號碼，如果第一志願入唔到，就要你後面的人派曬第一志願，再等你前面的人派曬第二志願，先睇吓你揀的第二志願有冇位，冇位就再loop多次先到你揀的第三志願。
至於點排，有分兩個版本:
如網內最心儀扣門學校不需要111
乙一應填網內最想入的學校。派完乙一，所有熱門學校應該都冇曬位，應該淨返二線學校和寶校，
所以乙二建議填最想入的二線學校。如果乙二派唔入，基本上乙三只得寶校有位，
所以乙三建議填「比較好」的寶校。
甲一應該不計校網填最想入果間(可以係校網內或校網外，隨個人喜好)。甲二喜歡可以填第二想入，亦可選擇留空。
留意，同乙二唔同，因為先派甲部，如果你覺得入二線A學校都ok，但更想入網內B學校，甲二都千祁唔可以填A校，因為你真係入咗A會冇得抽乙部。
網內最心儀學校扣門需要111
咁就睇吓你覺得全港最想入果間值唔值得你放棄扣門機會。想保留扣門機會當然111填曬果間學校。其他點填如上。
上述只供參考，派成點我唔擔保亦唔負責，大家請善用批判思維能力分析。
