帶住bb去旅行 - 澳門

經歷過長洲兩日一夜之旅，小豆豆唔怕陌生床，所以再試澳門兩日一夜之旅。
jw萬豪連二人早餐只需$13xx. 用永安app首次訂酒店仲有得再減$100，唔使千四有得住jw仲可以食到有讚冇彈的酒店自助早餐，唔去真係對唔住自己！
小豆豆三個月大就第一次離開香港，其實都係因為媽咪爸爸想去玩。
jw有個好處就係好近官也街，行過去唔使收bb車好方便。另外jw有bb床提供！
我自己去旅行以輕便為主，帶住bb都一樣，以下係我應為帶住bb去兩日一夜之旅所需物品：
1. bb包被，因為小豆豆一定要包住先可以安心瞓
2. 沖涼毛巾，旅行裝bb沖涼液
3. 替換衣服，尿片，濕紙巾
4. bb 證件(去澳門可以用passport 或回港咭)
因為小豆豆係飲人奶，經過呢個trip我先發現飲人奶除咗唔使奶粉錢之外，仲係超級無敵方便！當然最重要係人奶對小豆豆的健康係最好！
沖涼方面，我洗乾淨浴缸同自己，就同小豆豆一齊浸浴，俾小豆豆感受吓游水，小豆豆玩得好開心呢！
官也街真係足夠你食兩三日。我哋晚餐食咗葡國菜，午餐食水蟹粥，然後再掃葡撻同木糠布甸，食到好滿足先返香港！
其實小豆豆咁細帶佢去旅行唯一麻煩之處就係要就佢飲奶時間，其他就係由得佢係bb車道瞓 :D

*其他旅行日記請按此.
*其他湊b日記請按此

特區護照往泰國需要六個月有效期嗎？

買了往布吉機票後，才發現特區護照於出發時只餘下五個月有效期，本來還有一個月時間可以重新申請新護照，但機票是經ctrip買的特價票，要更改資料需要120rmb，立即打電話問泰國駐香港領使館(http://www.thaiembbeij.org/thaiembbeij/cn/consulate-general/hong-kong/)，答覆是只要護照於旅程完結時還未過期便可以入境，而且根據IATA (http://www.iatatravelcentre.com) 今年往泰國的航班並不要求護照需要六個月有效期。
當然，地勤根本不會太清楚，當我check in 時，地勤便說我的護照有效期未足六個月，不能讓我上機，我也不甘示弱，立即將已查得的資料訴說清楚，但地勤還是要打電話到泰國入境處查問，等了差不多半小時，我催了又催，直至check in 櫃位要關閉前，地勤才說未能聯絡泰國當局，要我簽了免責聲名才出機票。過關時很多人，結果要跑到登機集口！
最後當然順利出入泰國境，他們根本沒有理會過我的護照有效期未足六個月！

*其他旅行日記請按此.

文盲數目

今天集會時英文科讓學生準備了一個關於閱讀的演講，其中演講的同學問了台下同學世界文盲人數(What is the illiteracy population all over the world?)。這個問題勾起了我到柬埔寨旅行和到喀麥隆當義工的回憶。
那次到柬埔寨路過了一所孤兒院，和義工們談談當地的教育，很驚訝發現當地是有九年免費教育，可是整體感覺柬蒲寨還是一個很落後的國家。另外，當初到喀麥隆，在wikipeadia查了些資料，原來喀麥隆約有超過七成的人是有讀寫能力(literacy rate)，到了當地，我跟幾位當地的成年人談過這個問題，他們都認為喀麥隆根本沒有足夠的工作。結果很多人唸完大學後只可以回家當農夫，而農作物又因為沒有良好的道路，難以運到其他地區出售，沒有買賣，所以農作品豐收時只得浪費，而農作物失收時又沒有補給，連基本生活也滿足不了，又如何談其他？
這些地區需要的不只是教育，還需要資金去建設基本設施，而且需要就業機會，讓本地人學以致用，讓這些地區進步發展。

為甚麼要上學？

香港的課程很趕急，總是在趕書！試後的上課時間很隨意，我喜歡趁這空檔和學生談天。常聽說現在的學生都不喜歡讀書，便問他們：你們喜歡學習嗎？
學生們七嘴八舌地回應，有的搖頭，有的說喜歡，有的說不喜歡考試，有學生說不喜歡為考試而學習，亦有學生說不知道為何要學某些課程內容。
我：有甚麼科目或內容你們覺得是沒有用的？
「文言文！」學生們異口同聲地說。
我：為甚麼不需要學習文言文？
「現在根本沒有人用文言文！」
「有甚麼工作需要用到文言文？！」
「歷史都好沒有甚麼用處，工作又不需要知道這麼遠久的事情。」
 我：學習是否只為了工作？那麼，有沒有一些科目內容是每一個人都必需要學？
「中英文是必需要的，無論做 甚麼工作也需要中英文，不過文言文可以不學。」
「科學也是必需的。」
我：不論甚麼職業的人都需要學科學？
「是吖，common sense 嘛！唔學科學冇common sense 好危險。」
「清道夫不用學科學！」
「如果學了科學，考試成績好，便不用當清道夫！」
「若果他的志願是清道夫，便不用讀書考試！人各有志嘛！」
「清道夫的人工太低了！」
 「對吖，連吃飯的錢也不夠！」
我：好吧，對於這個論點我有兩個想法，第一個想法是：若清道夫有月入五萬，你們有誰想要當清道夫？
有大約十位同學舉手。
我：你們選工作時只看薪金？
有些學生點頭，有些搖頭。
我：除了薪金還有甚麼因素？
「清道夫太辛苦了。」
「但有五萬也可以的。」
我：好吧，我希望大家想一想，除了薪金你們選工作時還會有甚麼考慮吧。回到我的第二個想法，我數天前看到一幅圖，圖中有位清道夫，有兩位媽媽在教導自己的孩子，第一位媽媽說：「你要好好學習，否則將來便像他一樣當做這樣辛苦的工作！」，第二位媽媽說：「你要好好學習，你便可以營造一個較好的環境，他便不用工作得這樣辛苦！」
學生們都很驚嘆：「這樣的心態很好！」
下課的鍾聲響起了，我便總結說：你們下課後可以再想一想，到底為甚麼要學習，而又有甚麼內容是必需要學的。

孕照

一直想影大肚相. 不過孕照唔似婚紗相咁common, 冇乜blog 分享過心得.
幾時落訂:
最好係想影之前三個月預約. 通常有多少少優惠. 有d攝影師期好full.

幾時影:
問過都話28-35週影, 視乎你快唔快見肚啦. 我34週先影, 因為第一胎肚好細,本身廋底.去到差唔多5個月d同事先發現. 好彩34週仲未水腫. 之前都擔心會爆紋水腫唔靚. 好彩冇事 :D

條件:
我 覺得最好包全部相. 婚照果陣冇包曬相, 好後悔, 最後加咗好多錢都係要得一半, 結果仲貴過d包曬相的. 同埋影得咁辛苦, 唔要好浪費! 另外包幾多張retouch 都好重要, 因為佢哋show係website/fb巳ge相一定係retouch 過. 有d淨係執光都已經好靚. 不過都貪心都要多d效果 =P
亦因為我唔識化妝又懶得掏寶, 所以我會考慮只係包衫包化妝
另外影幾耐就大約有幾多個styles. 你預最少每半個鐘一個style (around 30 photos i guess).

考慮過ge孕照攝影師 (自己fb search吓相睇吓), 全部incl all photos:

價錢<$2000:
Youniquehk: 2hrs淨係外景或者自己屋企, 唔包衫.
美麗孕記: 2hrs
呢兩間價錢好吸引!! 又可以影兩個鐘. 而且包20張retouch photos. 不過前者冇studio又唔包衫.
後者係放得fb ge相片感覺都係純natural style, 冇乜feel, 團購quality.

$2000-$3000
Jaymefoto: 有朋友係呢間影, 好鍾意佢飛吓飛吓果d 紗ge效果, 好有feel!! 女攝影師女助手影nude效果都好正. 有1hrs. 如果1.5hrs 就過三千二左右, 不過包一本有排版ge細相簿又可以考慮. 仲有一個影2hrs要四千幾包大相簿.
Winnie Fook: 有朋友係呢間影, 影出黎係淑女/elegant style. 女攝影師女助手影nude都好正. weekday影就唔過$2000. 不過得45mins. 要時間長d, 1.5hrs ge package 要過三/四千. 最貴2hr 15mins 要過五千.

$3000-$4000
Base one studio: 有外景又有studio! 自然路線係幾靚，不過唔係我想影ge style.
Makin' Lab: 唔太平. 個style 又唔特別吸引我. 不過有朋友話好鍾意. 大家口味唔同 :P

$4000-$5000
MaryK: 1hrs 45mins. 女攝影好助手影nude 好正. 如果weekday/唔使包化妝就唔過四千. 仲有一個過$5000 ge package, 2.5 hrs.
J.A.C.K. Factory: 其實好鐘意呢個style. 佢會化埋個肚. 仲有一本雜誌相簿. 同埋好多comments 話唔使retouch d 相已經好靚! 有style ge攝影師要影2hrs 都差唔多要呢個價. 只係佢冇平d ge package 所以感覺貴少少. 女攝影師可以影nude好正!
Seph Production: 佢d夢幻效果好正. 不過淨係包執五張相. 唔知冇執過ge相有冇呢種夢幻feel 呢?!
================
因為自己有車, 所以地點冇乜所謂. 如果要考慮地點就多好多嘢諗. 仲有d要接近一萬我覺得太貴啦. 遲d又想影nb photos....所以大肚相我最多俾三千多d咋. 三四千都有d好有feel ge 攝影師 :)
大家有冇其他分享呢?
最近groupon 見到個$488已經包衫包化妝連老公都有衫. 有25張相. 平平地都好似幾抵玩. 不過太遲見到lu!
================
最後我揀咗jaymefoto. 佢話一個月後有相, 點知等到小豆豆兩個大時都未有, send message 去催先話一星期後會有, 一星期後又要再等多一星期終於有. 不過佢本相簿係求其放曬啲相落去, 而當初影完之後佢話會點執點執, 最後都冇執, 我諗佢唔記得咗, 當我催就唯有求其起貨. 真可惜.

與學生談我的理想

前天的班主任課題是職業導向指引，現在當老師當然不只是教學科知識，還要兼任班主任，準備一些和生活有關的課題，然而，這些分享正是當老師有趣之處。和中一生談職業有點遠，為了吸引她們，在開場白及一些回答引導問題後，我請三位同學分享，並告訴她們在同學分享後我也會分享以作交換。
有位同學聽到我會分享，立即亮出期待的眼神，那我當然請她先作分享。她說想當一位科學家，研究關於時間的議題。很久沒有親耳聽到有人說要當科學家，我立即跟她分享一些科學家趣事，然後問她為何現在當科學家比一百年前難得多，她也很聰明地知道容易發現的定理早已發現了，現在還未發現的要花更多時間去研究。我也鼓勵她，科學家是推動人類進步很重要的人，希望將來能看到她的堅持！
而我呢，當初為何想要當一位老師呢？其實早於小學時便有這個念頭。當時功課做得好，老師會貼上貼紙以作鼓勵，看見那些漂亮的貼紙，還是小女孩的我當然滿心歡喜，我當時便想：將來也要當老師，買很多漂亮的貼紙獎勵學生！哈哈，很幼稚可笑吧？我也是這樣告訴學生，很多時理想都是由一些幼稚的念頭而起，若果你理想的原因也是幼稚可笑，不要害羞，這是很正常的，人總不會一想著些很偉大的事情，不過，當人開始大，要繼續堅持這個理想，就要有些更堂而皇之的理由去支持，因為經過教育，我們都想要對社會作出貢獻，我們都會考慮著現在所做的事會否或多或少令世界更好，開始的理由可以很可笑，但堅持的理由便要偉大一些！
 現在，久不久累了，我便問自己想要學生學到甚麼，而自己又要做些甚麼。兩個月前一位中六的學生問我現在當老師會否很無奈，有很多無關痛養的事要處理。我告訴她人生有很多的無奈，改變不了，但我們可以改變自己的處事心態及方法。無關痛養的事便「得過且過」，做過便算，把心思放在覺得重要的事情上，整體來說我還是很喜歡現在的工作！共勉之。