親子寫生團

我相信2-6歲小朋友嘅藝術係frequently 自由創作同意見表達為主。
所以，我開始組親子寫生團。

因為冇導師，寫生團好靠爸媽陪同。每次家長都先帶小朋友四圍睇，望吓雲、花、樹、地磚花紋、牆etc，然後問吓佢見到乜，今次想畫乜。
接著開始畫30-45mins。
最後是gather所有畫，問吓有冇小朋友想介紹自己幅畫。
前面引導同後面介紹都好重要。可以唔使加評論，只係問問題同埋聽聽聽聽聽。
好多時畫啲好奇怪，例如今朝小豆豆話佢畫咗「香蕉、面包同滑梯」。

到底似唔似，用乜色，冇乜所謂，就係聽吓就好開心☺️

由小豆豆2歲開始，便找人一起寫生，一開始只有三個小朋友，後來又很難約。經過半年嘅努力，而家有25位成員，亦唔需要每次都由我主導，亦見到小朋友越來越勇於表達自己！由每月一場到今個月有4場，見到呢個成果，好感動！

pn班大作戰 - 面試及選校心得

由於小豆豆是9月尾出生的細b,她剛滿一歲我便要為她報讀n班。其實n班本是可讀可不讀，但我要上班，與其只由工人陪著小豆豆，不如讓其上學。

選校目標：
詳細google及education kingdom 過後，發現幼稚園有很多不同的styles：龍校、重自理、重學術、語言環境好等等。而我有這兩個要求：近屋企和有英文net teacher，其他的對我都不太重要(自理我覺得靠家長，外語我哋真係唔識教，先要搵學校幫手)。其實前幾年因為龍年效應和雙非爭位後，很多傳聞說幼稚園很難入、細b要報多幾間等，但我發現這些傳聞都是假的！根據各大媽媽谷的分享，基本上都是人人有書讀。
小豆豆沒有上任何playgroup，報了4間幼稚園全部都收！

面試心得

1. ABC pathway International Kindergarten
offer: 
am class
報名原因：
離家5分鐘路程, 小豆豆不用bb車也可以自行步行回校。雙班主任，英文net teacher 長註課室，每星期也有普通話堂。另外，貴價新校基本上人人收，而且第一次面試失敗的小孩都會有第二次(甚至第三次)面試機會，所以可以用作後備。
面試內容：
報到後於indoor playground 隨意玩車/滑梯/玩具，等待期間可以填問卷。每組6-8人入房，先是free play 時間，然後收拾玩具clean up。接著是circle time。先唱推波波說名字，然後是指令遊戲，第一次面試是輪流到白板貼圖，第二次面試是把禮物放到同色的呼拉圈內，我覺得指令遊戲最考耐性，因為在等其他小朋友時小豆沒有其他事可做，便想四圍走。最後是故事時間和唱歌。小孩子面試後是家長講座。
小豆表現：
第一次面試時小豆豆剛滿一歲，面試快完結時小豆爸在窗外偷看，而小豆豆看到爸爸便扭要爸爸，所以面試失敗。第二次面試小豆豆其實都坐不定，故事時間一半時，她突然站起來，我著她坐下她才坐下，指令遊戲後又不肯把呼拉圈還給老師，要氹一氹才肯放手，然後坐在我的大腿上，這樣的表現也有offer，相信只要面試時不要哭便可以。
對學校的感覺：
新校舍很整齊，玩具是徳國牌子的益智實木玩具，老師們也很友善。可是校舍較細，而我最不喜歡他們把學生相片放facebook(這是第三者平台!)! 另外，校監好像完全沒有準備講座內容。


2. St anna Kindergarten 聖安娜中英文幼稚園
offer： am international class
報名原因：離家5分鐘路程, 小豆豆不用bb車也可以自行步行回校。全英語，其實n班本來可有可無，而我們家只說廣東話，有個全英語環境讓她學英語也好。學費十分便宜，每月只需$30xx，而k1-3是免費的。
面試內容：
由於只有一天面試，而且是星期五，我不能請假，所以是小豆爸帶她面試的。小豆爸說先在枱玩玩具，然後到20多人一起到椅子坐，孩子坐前面，家長坐後面，一起看youtube聽兒歌。最後是派禮物(毛巾)。
對學校的感覺：
我自己沒有去過，不過另一媽媽分享，他的兒子在聽兒歌時走到電腦玩滑鼠，還把youtube關掉(小豆爸說那男孩是和小豆豆同一group)，也取錄了上午國際班。
所以，幼稚園面試這玩意都是靠彩數多吧？

3. Victoria Kindergarten (Middle Kornhill) 維多利亞幼稚園(中康)
offer： am class
報名原因：離家步行路程的名校，有三位班主任長註課室，良好的語言環境，有細b班，有育嬰園牌所以小豆豆可以和其他同學同一時間開學。
面試內容：
報到後於indoor playground 隨意玩車/滑梯/玩具，面試每組6-8人，先是free play，然後收拾玩具clean up。接著是circle time。先唱推波波說名字，然後是英文老師的說故事，故事其間每人派了一樣關於故事的東西，故事結束後便收起。接著派了沙錘，大家站起來拿著沙錘跳舞。收了沙錘後便派禮物(手指公仔)。
一星期後通知第二次家長面試，不用帶小孩，只見家長。要先電郵回覆問卷，問卷內容都是關於家長育兒方法。Interview內容都是問卷的問題，起初我以為是廣東話面試，但竟然見英文主任，幸好我早把填的問卷要小豆爸背熱，和問卷一樣的問題由小豆爸回答，其他由我回答，所以面試主力是小豆爸答。有趣的是到校長問時，她問了和英文主任剛問的問題一樣，看來校長在發夢，所以我們用中文在把答案重覆了一次。
小豆表現：
小豆豆一走進學校見到走廊的圖故櫃便二話不說自己取下一本書要看，我問旁邊的老師，老師說這書不能拿，但小豆豆不肯放下圖書，幸好一位主任見狀，幫忙於小豆豆的面試房拿了一本書和她交換。入房室後小豆豆立即看書，英文老師來和她談天，她指著書的魚，然後做魚游游游的動作。接著廣東話老師拿了手抓板給小豆豆，小豆豆又好興奮在玩，circle time 又坐定定，一直都表現很好，直至英文老師要收故事公仔，小豆豆又不願意交還，左氹右氹才交還。跳舞時又企定定，到老師收沙錘時才狂搖沙錘，都唔知好嬲定好笑。
對學校的感覺：
我覺得這所學校的面試安排很好，準時開始，而且一早已於電郵告知面試課室，所以大家很快便進入課室，很流暢。老師很友善，在我不知所措時幫忙氹小豆，英文老師說故事很吸引。雖然不是新學校，但校舍和設施也很新淨，而且每個課室也有圖書閣，小豆豆一定十分歡喜。只是路程較遠(15mins)，而且學費十分貴。
傳聞要讀自家playgroup才能入讀，但取錄的小孩也有很多沒有讀playgroup的。

４. 北角民生幼稚園
offer： whole day class
報名原因：離家最近而有全日制班和net English teacher的幼稚園
面試內容：
報到後等待，indoor playground 和所有玩具都封住不能玩，小朋友只可以呆等，早十分鐘到但遲了十分鐘才能進課室，小豆悶得很，建議自備玩具。面試每組6-8人，先是在枱面free play，英文老師會來談天，但這環節應該不計分，然後中文老師會輪著叫小朋友名字，聽到名字便到另一張枱由老師一對一面試，家長可以陪在身邊。一坐下小豆自己打開枱上的圖書，自己指著狗說狗狗，指著貓說貓貓，書的最後是一面鏡子，老師問小豆鼻子在哪，小豆翻回前一頁指著猴子的鼻。然後老師收起書，小豆便指著櫃的洋娃娃，老師給了梳子讓小豆替娃娃梳頭。老師收起娃娃，小豆又指著積木(mega block)，老師讓小豆砌後再要她收回盒中。最後是一隻碗和匙，因為小豆本身是自己吃飯，看見吉碗她不明白。
最後，大家圍著英文老師坐，家長坐後面，插歌後派禮禮(手指公仔)。
對學校的感覺：
喜歡學校按排三月才見細b，但不喜歡學校把滑梯和玩具都封住，要孩子苦等。要上兩層樓梯，由婆婆接送的話會吃力。net teacher好像不太懂得帶領孩子，我見她和孩子談話沒有技巧，唱兒歌時也只是播歌和搖頭，沒有唱，也不能吸引孩子。
但全日班對於working mum很吸引，有午睡時間，下午又有興趣班和日文班。

小學收生

最近幫小豆豆申請幼稚園，順便研究下小學派位方法，官、津小收生三個階段：
官、津小收生同讀邊間幼稚園基本上係完全冇關係

1. 自行收生
每人只可係自行收生報一間學校，當中分兩類：
必收生
兄姐係果間小學讀緊(畢咗業就變咗計分位)或者父母係果間小學工作。
正常學校有50%學位用作統一派位，但係如果某年某某小學有超過30%學額的必收生，咁就會用埋統一派位的學額收必收生，所以未必間間學校都有50%學位用作統一派位(呢個就係點解有啲學位會係自行超收, 因為無論幾多必收生, 學校都要收曬)。
計分位
完全計分制，如果小朋友冇在讀兄弟或在校工作父母就要計分，計分內容如下：
甲類 爸爸或媽媽在該小學的幼稚園部或中學部全職工作，但必須是同一校址。 20分
甲類 哥哥或姊姊在該小學的中學部就讀，但必須是同一校址。 20分
甲類 爸爸或媽媽是該小學的校董。 20分
甲類 爸爸、媽媽、哥哥或姊姊，是該小學的畢業生。 10分
甲類 申請學童是家庭中首名出生的子女。 5分
甲類 以上五項甲類條件也沒有。 0分
乙類 與該校的辦學團體有相同的宗教信仰。 5分
乙類 爸爸或媽媽是該小學主辦社團的成員。 5分
丙類 適齡入學（即九月開學時年滿五歲八個月至七歲）。 10分
所以，基本上每名學生最少有10分，最多35分。
甲、乙類每類只可選一項(即每名學生甲類最高20分，乙類最高5分)，如以上兩項乙類條件也沒有。 0分 　
［好多人以為首名子女再加上父母係畢業生有25分，但係兩者同屬於甲類，所以只有20分，加埋宗教分先有25分］
每間學校有一定自行收生額，視乎必收生人數，50%的位可減去必收生的學額用作自行收生，如果太多必收生，學校都最少會有20%學額用作計分。
計分位由最35分開始收起，再有位就收30分，如此類推，同分數太多人唔夠位分就抽籤。
自行收生結果公怖後，沒有學位的學生便可參加統一派位。留意，取得某些直資學校的學生亦都唔可以參加統一派位。


2. 統一派位
基本上係抽獎遊戲，random俾個number你，跟number派。
甲部係全港學生咁排，唔分地區，佔學校用作統一派位的學位的10%(即大約係全部學額的5%)，跟number先派第一志願，有位再俾第二志願。
甲部派完就派乙部，乙部就跟屋企住址的地區派(不是幼稚園地址!!!!!!一定要係居住地址，同埋灣仔區真係會走黎家訪，朝早7點黎check!!)。淨返的學位(大約係全部學位的45%)，又係random number派。
所以，聽聞填派位表需要有技巧，詳情請參考：https://m.mingpao.com/pns/dailynews/web_tc/article/20160119/s00005/1453140572107
統一派位分甲乙部真係好難明，我睇咗好耐先了解到！

3. 叩門
統一派位結果公佈後，如果派咗去間唔想讀嘅小學，就可以考慮叩門。要有人放棄學位先有位叩門，好多學校都只接受1-1-1，又要整portfolio，又要面試，大概要十項全能先可以叩門成功。事實係咪真係咁恐怖？另外，某啲有附屬幼稚園嘅小學只接受自己幼稚園學生叩門。

join咗媽媽谷，好多媽媽成日問某某幼稚園小一派位如何，除非想報私小、直資或者國際小學，否則根據資料，除咗附屬幼稚園嘅叩門位，官、津小收生同讀邊間幼稚園基本上係完全冇關係。啲人成日吹話贏在起跑線，嚇死一班家長，小朋友咁細個，唔好咁大壓力啦。共勉之。

台灣宜蘭親子民宿 - 電動車之選

google search, 好多有電動車的親子酒店都要NT$4200up (港幣$1100up!).呢個價係日本可以住到溫泉酒店一泊二食! (雖然冇電動車, 冇得直接比較 :P) 做咗各種research, 終於搵到幾間比較便宜而又電動車的民宿/旅館!!!

之前廣告一直賣有電動車的親子酒店, 叫蘭城晶英酒店, 原來要成$2000up一晚, 好貴好誇張!
我發現好多親子民宿都係房間有滑梯, 甚少有電動車. 經歷咗郵輪之旅小豆豆拒絕埋身唔肯瞓覺後,  今次台灣之旅我唔太想住房入面太多嘢玩的房間!! 同埋我哋自駕遊, 唔介意住遠市中心小小.

松之墅溜滑梯親子民宿 

三人房NT$3200-4000 (hkd$830up)包下午茶, 早餐同戶外電動車(下午3-5pm) 

優點: 房間有秋千同滑梯. 房間設計非常colorful (不過對我黎講係缺點)

缺點: 非常full booking! 每一次問都要隔大約一日先覆. 我係十月尾問, 竟然整個旅程(12月28日- 1月1日)都沒有空房. 好誇張!

官網按此

WOW 玩行旅溫泉旅館

本來想住二人大房, 可惜已經full 了, 二人細房的浴缸又太細, 最後決定住三人滑梯房. 

於agoda 找到特價hkd$608(連稅, 包早餐)! 好抵玩!! 立即訂了 (第二天價錢又變回$7XX)

優點: 有室內電動車,有搖控 (3-9pm, 9-11am任玩!!), 還有溫泉浸(問過係有驗證的碳酸鈉泉水), 又有滑梯房和免費嬰兒床(好多民宿嬰兒床要另收費!) 這個價錢真係冇得輸!!Facebook message覆得好快. 不過agoda/hotel.com 訂比官網訂平得多! 記住格價!

室內電動車唔怕落雨冇得玩, 而且佢哋有提供搖控, 好似小豆豆咁細個唔識自己玩都可以由爸爸control架車 (媽媽係機器白痴, 都係爸爸控制安全些 :P)

缺點: 離溫泉街約5分鐘車程. 不過我哋有車冇所謂! facebook有些評語說早餐安排不好, 但這個價錢當沒有包早餐也是非常便宜.

官網按此

夢想森林親子民宿

二人房NT$3200-4000 包下午茶, 早餐同戶外電動車(有搖控). 免費嬰兒床. 夏天去還有泳池. 

優點: 有室內遊戲閣, 除了嬰兒浴盤和餐椅外, 還有嬰兒厠板!! 非常貼心! 另外, 聽說老板娘以前是幼師, 所以有晚間故事時間, 非常時待!!! 一歲小豆豆的早餐也不用另加錢. 太貼心了!

缺點: 房間較簡單, 沒有一看到便十分喜歡的感覺. 離市中心遠, 同樣地我們自駕遊不擔心. 

訂房時用line溝通, 一開始時回覆很快, 但填寫資料後一直收不到回覆, line及facebook messgae 也沒有回覆. 兩天後終於回覆說是wifi壞了, 所以遲遲未覆, 還因為讓我們久等而主動減房價NT$350. 

官網按此

聖彼得堡莊園
二人房NT$3200-4000(現在有85折) 包下午茶室, 有嬰兒床. 內有一個小空間及一輛電動車. 天台有電動車場, 每房一輛電動車(有搖控), 房間全部是Hello kitty 造型(但我不喜歡這公仔), 有大浴缸並送泡湯劑. 可惜我想要的日期已沒有空房. 民宿主人回覆很快.
官網按此.

其他:

價錢便宜但不喜歡(按名字連結官網)
優的休閒民宿: 室外電動車, 他們的電動車沒有搖控, 小豆豆不懂玩.
埃及白宮: 房間及環境非常漂亮, 有室外電動車, 但facebook評價多指清潔不足
綠岸休閒會館: 房間及環境非常漂亮, 有室外電動車, 但查問發民宿回覆合法民宿資格仍在申請中
Royal House 藝景居: 室外電動車. 但雙人房都是雙床的.
音樂盒兒童超跑主題民宿: 室內電動車, 但我不喜歡的民宿的環境設計. 而且價錢不便宜.

有考慮過但價錢較貴的(按名字連結官網)

- 76親子民宿: 房間超靚, 觀景浴缸. 兒童方面有兒童厠板. 還有撈金魚沖涼玩具. 房內有室內帳篷讓小朋友/大朋友睡. 另有室外電動車.
- 丟丟噹親子樂園民宿:室外電動車, 超大室內遊戲房, 冬天也可以玩的水上活動. 嬰兒床要NT$500. 親子房有車車床和浴缸.

- 301親子會館-宜蘭親子民宿推薦: 有室外及有蓋電動車跑道, 滑梯房.
- 羅東Candy 民宿/孩子王民宿: 太貴了.

*bb旅行 - 行李篇請按此.
*其他台灣旅行日記請按此.
*其他旅行日記請按此.
*其他湊b日記請按此

帶住bb去旅行 - 唔同航空公司坐飛機比較

小豆豆一歲多啲就坐過三間唔同航空公司的飛機，分別係ANA全日空、香港航空同埋國泰，等我黎個大比較先：

全日空 (香港來回大板)
價錢：成人票$3039 嬰兒票$390 (連稅)
網上訂嬰兒票: Yes
嬰兒車: Yes, 香港機場同大板機票都可以借. 牌子係aprica
嬰兒籃: Yes, 限重9kg
嬰兒飛機餐: 有兩樽玻璃裝baby food(for 4m+, 去程係HEINZ, 回程係日本牌子). 一盒爛飯(好似大人餐size, 熱的), 去程仲有一條香蕉, 回程有一包嬰兒餅乾同一樽嬰兒果汁
嬰兒安全帶: 無. 我問空姐, 佢話媽媽對手就係安全帶.
後記：AIA嬰兒票真係好抵買！唔似其他航空咁係原價10%，而真係成人票特價的10%！而AIA的嬰兒餐係最豐富。特別當小豆豆開始大，就唔再鍾意食一pat pat嘅baby food. 有熱飯好好多！


香港航空(香港來回宮崎)
價錢: 成人票$1265 嬰兒票$1145(連稅)
網上訂嬰兒票: No, 要買完成人票再致電hotline買嬰兒票
嬰兒車: No
嬰兒籃: 因為係細機,  所以冇
嬰兒飛機餐: 3樽baby food (for 4m+, HEINZ)加一包嬰兒果汁. 來回一樣.
嬰兒安全帶: 有.
後記: 嬰兒票比兒童票貴$20. 如果一早知道冇嬰兒籃又冇位坐仲要貴啲應該買兒童票！ 不過網上冇得買嬰兒票所以冇得比較. 好彩架機好空, 我哋來回都係隔離冇人, 所以小豆豆可以有自己位坐. 下次要先打去CENTRE問吓嬰兒票幾多錢先上網買. 如果唔係來回都手抱三個鐘真係會搞唔掂!
另外, 去程剛好八號風球, 航班DELAY  一日. 第二日check in果陣唔記得拎證明claim 保險, 回程check in 果陣問, staffs 好helpful 一早準備好俾我哋! 好有效率!

國泰 (香港來回台北)
價錢: 成人票$1344 嬰兒票$579
網上訂嬰兒票: No, 要買完成人票再致電hotline買嬰兒票
嬰兒車: No
嬰兒籃: 去程有, 回程細機冇
嬰兒飛機餐: 四樽4m+的hipps baby food. (亦可request 兒童餐，會有無骨熱食）
後記: 小豆豆已經14M, 雖然只有8.5kg, 但係已經太長瞓唔到嬰身籃, 但係有個嬰兒籃可以玩到半個鐘!


##提提大家, 要事先打去hotline request 嬰兒籃同嬰兒餐, 我坐ANA果陣另一邊窗口位對父母見到空姐幫我哋裝嬰兒籃, 就問空姐要, 空姐答要事先request. 另外, 我朋友坐國泰買嬰兒票時冇request 嬰兒餐, 佢以為default 有, 結果上到機先發現冇.


*其他旅行日記請按此.
*其他湊b日記請按此

帶住bb去旅行 -- 三日兩夜星夢郵輪之旅 （雲頂夢號）

登船:
本來係6點半登船. 我哋6點到, 條龍已經好長, 好誇張. 點知去到6:45pm點都未開閘安檢. 小豆豆7:30食晚餐, 我本來諗住早半個鐘到, 最遲7:30都可以上到船, 一上船就去主餐廳拎嘢食餵小豆豆, 點知而家咁......我就去問職員, 佢話仲要再等到大約7點先可以開始安檢，排隊尾大約9點前可以上到船。我向職員解釋情況, 職員就安排我帶小豆豆優先登船, 老公就繼續排隊. 所以我7:10am 終於上到船. 老公就8點多先上到黎.
另外, 一上船要自己行上一層樓登記(防火安全條例. 不過其他郵輪都係等所有人上曬船安頓好, 再集合). 我一上船推住bb車又有兩大個袋, 小豆豆又未識行. 完全唔知點樣可以上一層樓, 冇職員幫手, 問又話自己上. 另一個人推住輪椅都好無助, 佢就推開咗個圍欄衝咗入lift. 我就跟住佢先可以上去登記. 

食物:
免費餐廰非常難食! 雖然有三間餐廳, 但每個用餐時間只可以去一間,而且只可以入一次, 出咗黎就冇得再入去, 我本來想自己先吃早餐. 待小豆豆醒後再同佢食多次. 呢個限制令我冇得咁做. 上次坐菁英郵輪同加勒比海郵輪的自助餐係24小時任去. 其實三日兩夜的價錢大家差不多, 唔知係咪太多星夢郵輪的遊客都會浪費食物所以有此安排.
另外, 菁英同加勒比海的主餐廳晚餐時間係有劃位安排. 所以一定有得食. 但係星夢郵輪主餐廰就冇劃位安排, 又冇得訂位, 而取票安排非常混亂, 所以我哋最後去自費餐廳食.
因為小豆豆基本上可以食到大部份大人食物, 所以我係自助餐廳見唔太油脷的食物就用熱水浸兩次, 就俾小豆豆食. 飯, 菜同水果都食得好好. 只係每日加半餐肉類的baby food.

房間:
房間望落乾淨, 6呎大床. 三人房有張梳化床. 本來request 咗bb床. 訂位部話冇得confirm 有冇. 去到check in 櫃位都未知有冇, 最後上到房先發現冇. 好彩有張梳化床可以俾小豆豆瞓. 打電話拎梳化床的bed sheet, 等咗半個鐘都未有人黎. 再打去催, 十分鐘後終於有人黎.
另外, 支牙刷用一晚就換多支新, 我諗b6人應該覺得咁先得, 我自已就覺得唔係咁環保.

玩樂設施:
呢樣係唯一值得一讚的! 有五條滑水梯, 三種難度, 我三種都玩曬, 超好玩!!!!!!! 另外, 仲有縄索場, 我係最後5點半冇咁乜太陽先去玩, 排咗二十分鐘. 講解得好清楚, 然後就自己上去揀難度前進, 最後一part係出咗船邊的飛索, 好似飛過海中心咁!! 超級好玩.
仲有一個兒童樂園, 大過兩歲的小朋友可以自己入去玩, 有人看住, 等父母可以有私人時間. 不過小豆豆差兩二天才一歲, 我哋唯有輪流看住小豆豆.
船頭果道係4點左右仲有泡泡池, 不過小豆豆未識行我哋就冇俾佢玩, 其他小朋友玩得好開心!
小豆豆仲細, 其實係房同佢玩枕頭大戰佢已經好開心! 夜晚佢竟然拒絕埋身, 我以為佢自然離乳, 原來佢只係唔想瞓(一埋身就奶睡). 佢零晨醒咗都係要奶奶. =-= 兩夜都搞咗勁耐先肯瞓. 零晨又要奶. 攰死媽媽.
返到屋企又肯奶睡. =-="""

環境:
六七八樓都係賭場, 同時主餐廰又係果道, 我哋要經過賭場先可以去主餐廳, 最大問題係室內竟然可以食煙!!!!!!!!! 真係太差!!!!!!!!!!!! 真係啱曬b6賭鬼. 可以一邊食煙一邊賭錢. 賠錢又貼健康. 真係唔太適合親子遊.

總結:
去玩一次都可以. 但係真係唔會再去. 特別係煙味實在太難頂!!!

*其他旅行日記請按此.
*其他湊b日記請按此

帶住bb去旅行 - 衣食住行, 帶啲乜?

小豆豆一歲生日前去過一次長洲度假屋, 兩次澳門, 兩次大尾督度假屋, 兩次日本同一次郵輪之旅. 人哋問咁細個去旅行佢都唔會記得, 我認同吖!! 不過媽媽好想出遊, 又冇人睇住bb, bb唯有跟住去 :P

我見啲人去旅行帶好多嘢, 連水都帶埋, 好誇張! 我就覺得去旅行仲要拎咁多嘢好辛苦, 所以以下介紹輕便帶b去旅行方法. 方法唔適用於極度緊張家長. 

衣: 我會帶4-5套衫去, 去多過四日就中間洗一次衫. 因為純棉好耐乾, 好方便. 另外我會帶埋小豆豆張簿被去, 係小豆豆入睡專用被, 唔帶我怕佢瞓唔著.

食: 餵人奶真係超級方便 (要講一萬次!) 淨係帶條餵奶巾就可以. 超正!!! 半歲時剛加固, 我哋第一站係去arkachan 入貨. 買咗支bb純水同埋幾樽baby food.
飲水杯我就帶咗個盒, 用黎將水杯浸熱水五分鐘消毒. 我諗奶樽可以用同一方法, 另外, 我發現惠氏s-26同illuma 都係可以訂水奶, 帶水奶就唔使擔心沖奶問題.
11個月時, 除咗每日一餐baby food, 小豆豆仲會食面包, 白飯, 豆腐, 菜,同埋生果.
到剛剛一歲上郵輪玩, 我將唔太油脷的食物浸兩次熱水就俾佢食. 再加半餐肉類baby food.
so far小豆豆都冇水土不服過.

住: 去日本住塌塌米係最方便.
去宮崎住Sheraton Grande Ocean  Resort, 五星級酒店我哋8pm check, 竟然已經冇曬bb床. 仲要全間酒店都冇乜人識講英文. 拎張bed sheet都雞同鴨講咗好耐, 最後終於有職員上房我指俾佢睇先明. 我就將沙發泊埋大人床, 用bed sheet 包好沙發當bb床. 真係唔想同小豆豆一齊瞓. 好辛苦好怕壓到佢, 試過一次完全瞓唔到, 所以一定要有bb床! 冇就唯有用沙潑自制.

沖涼方便. 由小豆豆6個月識坐開始係係屋企都係坐我大脾用花灑沖同佢沖涼. 可能媽媽抱住有安全感, 所以除咗頭幾次小豆豆有少少驚之外, 佢都原意咁樣沖涼. 日本浴室一定有矮櫈所以好方便. 小豆豆12M大果陣上郵輪淨係得企缸, 我又唔想坐係企缸地下, 好彩小豆豆已經識企. 所以佢企住咁沖, 我就好快手兩分鐘內搞掂.

我哋全程自駕, 所以基本上長途車時小豆豆就係車道午睡.

行: 一歲前小豆豆係奶睡的. 所以上飛機好方便, 最好方排飛機係瞓覺時間(或者唔好俾佢瞓住, 同佢玩放電放到上機 :P), 一起飛就埋身整暈小豆豆. 然後就好開心咁自己睇戲食飯. 兩小時後小豆豆醒咗就可以食固. 跟住玩一陣就夠鐘落機. [黎緊台灣之旅小豆豆已經改咗早晚埋身, 有啲緊張. 不過個半鐘應該好易搞 :P]
另外. 自駕係最方便. 唔自駕去台灣可考慮全程的士.

Checklist summary:
- 替換衣服
- 餵奶巾或水奶
- 飲水杯
- 輕便式bb椅 (因為冇帶bb車, 方便食飯果陣lock住佢 :P)
- 入睡用品 (小豆豆有入睡被)
- bb沐浴露/洗頭水
-  浴巾
- 沙巾
- 濕紙巾
- 抺口紙/牙刷, 牙膏
- 餐具及餐具盒
- 飯衣
- 孭帶
- 小量玩具, 飛機及長途車時玩.

其他:
小豆豆坐過三間航空公司比較請按此,
嬰兒旅行證件請按此.
3個月大澳門之旅請按此.
一歲郵輪之旅請按此.
其他旅行日記請按此.
其他湊b日記請按此

帶住bb去旅行-證件

bb旅行證件有兩種：特區passport 及回港咭

回港咭:
好處:可以即日辦妥手續
壞處:只可返大陸同去澳門用

所以如果唔係趕住用, 不如申請passport, 因為有passport唔使回港咭都可以返大陸同去澳門.
而兒童身份證就係同申請passport時自動申請埋. 唔使分別申請亦唔可以單獨申請.

*其他旅行日記請按此.
*其他湊b日記請按此

帶住bb去旅行 - 澳門

經歷過長洲兩日一夜之旅，小豆豆唔怕陌生床，所以再試澳門兩日一夜之旅。
jw萬豪連二人早餐只需$13xx. 用永安app首次訂酒店仲有得再減$100，唔使千四有得住jw仲可以食到有讚冇彈的酒店自助早餐，唔去真係對唔住自己！
小豆豆三個月大就第一次離開香港，其實都係因為媽咪爸爸想去玩。
jw有個好處就係好近官也街，行過去唔使收bb車好方便。另外jw有bb床提供！
我自己去旅行以輕便為主，帶住bb都一樣，以下係我應為帶住bb去兩日一夜之旅所需物品：
1. bb包被，因為小豆豆一定要包住先可以安心瞓
2. 沖涼毛巾，旅行裝bb沖涼液
3. 替換衣服，尿片，濕紙巾
4. bb 證件(去澳門可以用passport 或回港咭)
因為小豆豆係飲人奶，經過呢個trip我先發現飲人奶除咗唔使奶粉錢之外，仲係超級無敵方便！當然最重要係人奶對小豆豆的健康係最好！
沖涼方面，我洗乾淨浴缸同自己，就同小豆豆一齊浸浴，俾小豆豆感受吓游水，小豆豆玩得好開心呢！
官也街真係足夠你食兩三日。我哋晚餐食咗葡國菜，午餐食水蟹粥，然後再掃葡撻同木糠布甸，食到好滿足先返香港！
其實小豆豆咁細帶佢去旅行唯一麻煩之處就係要就佢飲奶時間，其他就係由得佢係bb車道瞓 :D

*其他旅行日記請按此.
*其他湊b日記請按此